فارس الليل
مشرف منتدى البرامج
عدد الرسائل : 71
العمر : 35
السكن : العراق
الحالة : good
العمل : طالب
تاريخ التسجيل : 17/06/2007
 |  موضوع: قصيدة تحياتي يا عراق الك  الجمعة يونيو 22, 2007 3:41 am | |
| بسم الله الرحمن الرحيم قصيدة تحياتي يا عراق الك ( أ)
تحياتي يا عراق الك
من قلب عطشان لدجلتك
من روح مزقها الندم
من عين مشتاقة لبسمتك
تحياتي يا عراق الك
من دنيا غربة وعدم
من عيشه حيره وسقم
من خد ملهوف لبوستك
(ب)
يا عراق بغربتي اصيح بأسمك انا
والي ماتت كلها صاحتك
يا عراق الى متى
نبجي وننوح
وندور حضنتك
الى متى
الاجنبي يعيش
وانت زهكان بعيشتك
الى متى
شبابنا تموت
والجرايد تخط وتخط
و تكتب بسيرتك
هم الي وطن واكول
انا عراقي و ابن عراقي
وجينا من تراب حضرتك
(ت)
يا عراق اريد اسألك
والناس كلها سألتك
ليش عمرك ما ارتاحيت؟
ولا وردت اغصان شجرتك
واريد تكلي انا ياهو منهم
سني لو شيعي
عربي لو كردي
وهابي لو ارهابي
والله حرنا
وكلنا تهنا بحيرتك
يا عراق انت الي كنت شامخ
وهسه يشلعون بأغصان نخلتك
يا عراق عذبونا
عذبونا وقسمونا
وبالفتنه شردونا
وما ضل بلد
ما فرروك و فررونا
وخلونا نحلم برجعة ايام لمتك
(ث)
يا عراق كلي شكول
شكول وشسولف عنك
وانت اساس الوفا منك
شكول وشسولف عنك
وانت تمسح بدموع جرحتك
وين البشر وين الناس
وين العرب
كلها من درت بيك طايح عافتك
وين الكرامة وين الشهامة
وين العروبه
كلها بضرف يوم ماتت ودفنتك
(ج)
يا عراق
الطفل يبجي
وجبيرنا بلايه احساس
وانت حاير بجروح نيران حركتك
يا عراق
حكمونا ناس
بلا عشيره ولا اساس
وينك عنا يا عالي الراس بحكمتك
(ح)
يا عراق تعبنا
ومن الضيم هلكنا
يا عراق تعبنا
ندور وانصيح وين اهلنا
تعبنا
من الحزن والدمع والقهر
من الدم والقتل والسهر
من البجي والنوح والنحر
يا عراق
لشوكت تضل ميدان قتل
والحروب كل يوم لاحكتك
الله ياخذ كل من كان السبب
وحرم هل الناس وحرمتك
(خ)
يا عراق محتاجينك من جديد
ترفع راسلنا و انشد الهمة
ونسويها حديد
نريد نغني اغانينا ونعيد
نريد نكول للعالم
لو يبقى بينا اخر نفس
لا والله عمرنا مانهيد
لا والله عمرنا ما نهيد أتمنى أن تعجبكم الهمسات | |
|
**صقر بغداد**
ادارة المنتديات
عدد الرسائل : 65
تاريخ التسجيل : 05/05/2007
| | موضوع: رد: قصيدة تحياتي يا عراق الك الجمعة يونيو 22, 2007 3:48 am | |
| عاااااست ايدك فارس على هاي القصيدة الروعة | |
|
thesniper
ملك التحشيش مدير الموقع
عدد الرسائل : 653
العمر : 30
السكن : بيروت-لبنان
الحالة : حديقة
العمل : طالب
تاريخ التسجيل : 07/03/2007
| | موضوع: رد: قصيدة تحياتي يا عراق الك الجمعة يونيو 22, 2007 11:26 am | |
| والله قصيدة خرافية عل جرح مشكووور فارس الليل حبي | |
|
desert eagle
عضو ايخوف(ديربالك)
عدد الرسائل : 340
العمر : 31
السكن : حي الجامعة
الحالة : حديقة
العمل : طالب
تاريخ التسجيل : 24/05/2007
| | موضوع: رد: قصيدة تحياتي يا عراق الك الجمعة يونيو 22, 2007 1:59 pm | |
| مشكور اخ فارس قصيدة جدا حلوة  | |
|
Airforce
راصود المنتدى
عدد الرسائل : 818
العمر : 31
السكن : in the sky
الحالة : flying
العمل : flying
تاريخ التسجيل : 28/03/2007
| | موضوع: رد: قصيدة تحياتي يا عراق الك الجمعة يونيو 22, 2007 3:59 pm | |
| تسلم فروس والله كلش حلوة....... | |
|
